Адэбз узым ебэных

Мэзаем и 4-м адэбз узым ебэныгъэным и Дунэе мафэ хагъэу­нэ­фыкIы.

Мы илъэсым ащ епхыгъэ Iофтхьабзэм зэреджагъэхэр «Я есть и я буду».

Шъолъыр проектэу «Адыгэ Республикэм адэбз узым ще­бэныгъэныр» зыфиIорэм къыдыхэлъытагъэу 2020-рэ илъэсым медицинэ оборудование 45-рэ къаIэкIэхьагъ. Ахэр медицинэ организации 3-мэ атырагощагъэх: адэбз узым зыщеIазэхэрэ Адыгэ республикэ клиническэ диспансерым — 24-рэ, Адыгэ республикэ клиническэ сымэджэщым — 11, Мыекъопэ къэлэ сымэджэщым — 10.

Республикэ диспансерым иамбулаторнэ-поликлиническэ отделение ипащэу Любовь Нефедовам зэрилъытэрэмкIэ, лъэпкъ проектэу «Псауныгъ» зыфиIорэм ишIуагъэкIэ адэбз узым зыщеIэзэхэрэ гупчэм сы­маджэхэм IэпыIэгъоу аригъэ­гъотырэр бэкIэ нахь благъэ, Iэрыфэгъу ыкIи дэгъу хъугъэ.

2021-рэ илъэсым адэбз узым зэреIэзэщтхэ рентген аппаратэу сомэ миллион 20 зыуасэр диспансерым къыщэфын гухэлъ иI.