Росгвардием и ГъэIорышIапIэу АР-м щыIэм иIофышIэхэмрэ къулыкъу щызыхьыхэрэмрэ лъыр зыщахащырэ Адыгэ республикэ станцием щыIагъэх, ыпкIэ хэмылъэу лъыр атыгъ.
Шъолъырым имедицинэ учреждениехэм ящыкIагъэ хъумэ агъэфедэн алъэкIыщт лъы литри 10-м ехъу росгвардейцэхэм атыгъ.
ЗипсауныгъэкIэ лъыр зыты хъущт къулыкъушIэхэр ары Iофтхьабзэм хэлэжьагъэхэр. ПэшIорыгъэшъэу ахэм хэушъхьафыкIыгъэ анкетэ атхыгъ, ялъ ауплъэкIугъ ыкIи врачым гущыIэгъу фэхъугъэх.
— Мыщ фэдэ Iофтхьабзэхэр ренэу зэхэтэщэх. Лъыр птыным мэхьанэу иIэр къыдгурэIо. Къулыкъум иIофышIэ пэпчъ цIыфхэм IэпыIэгъу афэхъуным фэхьазыр, — къыIуагъ полицием иподполковникэу Алексей Чабанец.
Медицинэ учреждением иIофышIэхэр хэбзэухъумакIохэм ахэтхэм афэразэх.
Абрэдж Сэтэнай.