ЦIыфхэм IофшIапIэ къязытэу, страховать зышIыхэу, УФ-м ПенсиехэмкIэ ифонд иучет хэтхэм зэкIэми яIофшIапIэ Iутым пэпчъ IофшIэгъэ илъэсэу иIэр зыфэдизым фэгъэхьыгъэ тхылъыр гъэтхапэм и 1-м шIомыкIэу къатын фае. 
ПенсиехэмкIэ фондым и Правление 2017-рэ илъэсым ищылэ мазэ и 11-м ыштэгъэ шIыкIэу «СЗВ-СТАЖ» зыфиIорэм диштэу ар гъэпсыгъэн фае. Отчетыр уплъэкIужьыгъэным пае ПенсиехэмкIэ фондым ипрограммэ иаужырэ шIыкIэ (версие) жъугъэфедэн фае. Ар иинтернет нэкIубгъоу www.pfrf.ru зыфиIорэм ижъугъотэщт.
Шъугу къэтэгъэкIыжьы, игъом тхылъыр къэзымытыгъэу е тэрэзэу зэпстэури къизымытхагъэм страхованием къыхиубытэрэ нэбгырэ пэпчъ сомэ 500 тазырэу зэрэрагъэтыщтыр зыщышъумыгъэгъупш. Электроннэ шIыкIэм тетэу тхылъхэр зэрэптыщт шэпхъэ гъэнэфагъэр зымыгъэцакIэхэрэм атыщтыр сомэ 1000. Пэщэ IэнатIэм Iутхэми мыщкIэ пшъэдэкIыжь ахьы, сомэ 300 — 500 арагъэтынэу законым къыщыдэлъытагъ.
УФ-м ПенсиехэмкIэ ифонд и Къутамэу АР-м щыIэм ипресс-къулыкъу.