Вакцинацием зызэрэхябгъэтхэщтыр

Адыгэ Республикэм псауныгъэр къэухъумэгъэнымкIэ и Министерствэ къызэритыгъэмкIэ, зэпахырэ узэу коронавирусым пэшIуекIорэ вакцинэр зыхязыгъалъхьэ зышIоигъохэм зарагъэтхыным фэшI къэралыгъо фэIо-фашIэхэм япортал илъэныкъоу «Запись к врачу» зыфиIорэр къызфагъэфедэн алъэкIыщт.

Мы фэIо-фашIэр пфагъэцэкIэным пае лъэныкъохэу «Вакцинация от COVID – 19» ыкIи «Мое здоровье» зыфиIохэрэм къатырэ амалхэр бгъэфедэнхэ плъэ­кIыщт. Врачым дэжь зыхэптхэным фэшI шъолъырэу узыщыпсэурэр (Адыгэ Рес­публик), пцIэ, плъэкъуацIэ, уятэ ыцIэ, укъызыхъугъэр (мафэр, мазэр, илъэсыр), снилсыр, электроннэ почтэр, телефон номерыр, ОМС полисым исериерэ иномеррэ иптхэнхэ, джащ фэдэу узыфэе медицинэ учреждениер къыхэпхын фае. Медицинэ фэIо-фашIэхэм ащыщэу «Вакцинация от COVID — 19» зыфиIорэр, нэужым узыфэе врачыр, оркIэ нахь Iэрыфэгъу хъущт мафэмрэ уахътэмрэ къыхэпхынхэ плъэкIыщт.