Iофтхьабзэу «Библиотека на дом» зыфиIорэм хахьэу партиеу «Единэ Россием» и НыбжьыкIэ гвардие и Волонтер гупчэ хэтхэм зыныбжь хэкIотагъэхэу Мыекъуапэ щыпсэухэрэр къызыкIэлъэIугъэ тхылъхэу Лъэпкъ тхылъеджапIэм чIэлъхэр аIэкIагъэхьагъэх. 
— Мы Iофтхьабзэр игъо шъыпкъэу щыт ыкIи волонтерхэм тафэраз ныбжь зиIэхэм тхылъхэр зэраIэкIагъахьэхэрэм фэшI. Непэ уахътэу тызэрытымкIэ тхылъеджапIэм иIофышIэхэмкIи, ныбжь зиIэ тхылъеджэхэмкIи мыр IофтхьабзэшIу, — еIо АР-м и Лъэпкъ тхылъеджапIэ иIофышIэу Айтекэ Рузанэ.
— Мы Iофтхьабзэм изэхэщэн блэкIыгъэ илъэсым тыгъэгъазэм едгъэжьагъ ыкIи ныбжь зиIэ тхылъеджэхэу зыкъытфэзыгъазэхэрэр нахьыбэ хъугъэ. Жанрэ зэфэшъхьафхэмкIэ тхылъхэр афэтщэнхэу макъэ къытагъэIу. Анахьыбэу къызыкIэлъэIухэрэр краеведением иотдел чIэлъ тхылъхэр ары. Мы мафэхэм НыбжьыкIэ гвардием хэтхэм щынэгъончъэным ишапхъэхэр агъэцакIэхэзэ къэлэдэсхэм тхылъхэр афащагъэх. Тхылъым фаехэм Волонтер гупчэм зыкъыфагъэзэн фае, — къыIуагъ «Единэ Россием и НыбжьыкIэ гвардие» и Адыгэ шъолъыр къутамэ икоординаторэу, Мыекъуапэ идепутатэу Бэрзэдж Асыет.