ТичIыпIэгъу спортсменэу Никита Кучеровыр НХЛ-м ихоккеист анахь дэгъуи 10-мэ ясатыр хэуцуагъ. Адыгэ Республикэм и ЛIышъхьэ спортсмен цIэрыIом ащкIэ фэгушIуагъ, республикэм исхэр ащ испортивнэ текIоныгъэхэм зэрарыгушхохэрэр инстаграмым ритхагъ.
— «Тампа — Бэй Лайтнинг» инападающэу Никитэ гъэрекIо иIоныгъо Стэнли икубок къыдихыгъ. Спортсмен цIэрыIор щысэтехыпIэ зыфэхъурэ нэбгыришъэ пчъагъэхэр Адыгеим зэрисхэр, Мыекъуапэ къызыкIокIэ ащ IукIэхэ зэрашIоигъор сэшIэ! ИчIыгу гупсэ Никитэ тыщежэ, — ритхагъ КъумпIыл Мурат инстаграмым.