УФ-м и Федеральнэ ЗэIукIэ ФедерациемкIэ и Совет исенаторхэм хэгъэгум ичIыпIэ зэфэшъхьафхэм ащыпсэурэ кIэлэцIыкIухэм илъэсыкIэм ипэгъокIэу къадэхъумэ ашIоигъоу зыкIэхъопсыхэрэр афагъэцэкIагъэх. 
Шъугу къэдгъэкIыжьын, ащ фытегъэпсыхьэгъэ Урысые Iофтхьабзэу «Елка желаний» зыфиIорэм хэлэжьэнхэ гухэлъ зэряIэр тыгъэгъазэм и 16-м зэхэсыгъоу яIагъэм къыщаIогъагъ. Нэужым, тхьамафэм къыкIоцI, унагъоу щыIэныгъэм чIыпIэ къин ригъэуцуагъэхэм къарыкIыгъэ сабыйхэм яшIоигъоныгъэу пэшIорыгъэшъэу къатхыгъэхэр къаугъоигъэх.
Сенаторхэр кIэлэцIыкIухэр къызкIэлъэIухэрэр хэмыукъохэу афагъэцэкIэнхэм пае ыпэрапшIэ телефонымкIэ е видеозэпхыныгъэмкIэ янэ-ятэхэм афытеохэзэ джэгуалъэхэр, нэмыкIэу зыфаехэр къафыхахы— гъэх.
БлэкIыгъэ илъэсым мыщ фэдэ Iофтхьабзэм къыхиубытэу нэбгырэ мини 7,5-мэ яшIоигъоныгъэхэр афэгъэцэкIагъэ хъугъэ. Ащ къэралыгъо учреждениехэр, корпорациехэр, коммерческэ ыкIи мыкоммерческэ организациехэр хэлэжьагъэх. Урысыем игражданинэу зыныбжь икъугъэ пстэуми мыщ яIахь халъхьан алъэкIыщт. Интернет нэкIубгъоу елкажеланий.рф зыфиIорэр къызэIупхымэ Iофтхьабзэм ухэлэжьэн плъэкIыщт.