ЛIыхъужъым фэгъэхьыгъ

Урысыем и ЛIыхъу­жъэу, генерал-пол­ковникэу Г. Н. Трошевым фэгъэхьыгъэ шIэжь зэнэкъокъур самбэмкIэ Ермэл­хьаблэ щыкIуагъ.

Илъэс къэс зэхащэрэ зэIукIэгъум 2003 — 2005-рэ илъэсхэм къэхъугъэ кIалэхэр хэлэжьагъэх. Адыгэ Республикэм самбэмкIэ испорт еджапIэ зыщызыгъасэхэрэр Урысыем ишъолъырхэм къарыкIыгъэ бэнакIохэм янэкъо­къугъэх.

Яонтэгъугъэхэм ялъытыгъэу Адыгеим щыщ кIалэхэм купхэм медали 8 къащыдахыгъ. Нащ Расулрэ, кг 64-рэ, Тыгъужъ ТIа­хьир­рэ, кг 58-рэ, апэрэ чIыпIэхэр къахьыгъэх. Тренерхэу Джарымэкъо Рустам, Джарымэкъо Нурбый, Хьакурынэ Дамир, Хьабэхъу Адамэ нарт батырхэр агъасэх.

Тыгъужъ Тимур, кг 49-рэ, Ваган Григорян, кг 88-рэ, Пщыдатэкъо Сэлым, кг 98-рэ, ятIонэрэ чIыпIэхэр къыдахыгъэх. Тренерхэу Хьабэхъу Адамэ, Роман Оробцовым, Делэкъо Адамэ, НэIэтыжь Азэмат бэнакIохэм япащэх.

Мэлгощ Адамэ, кг 49-рэ, ТIэшъу СултIан, кг 79-рэ, ДыдыкI Айтэч, кг 79-рэ, джэрз медальхэр къахьыгъэх. Тренерхэу Де­лэкъо Адам, Гъомлэшк Алый, Мэрэтыкъо Щамсэт, ГуIэтыжь Хъалидэ бэнакIохэм япащэх.

Адыгэ Республикэм самбэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо Адамэ къызэрэтиIуагъэу, зэнэкъокъур дэгъоу зэхащагъ. Урысыем и ЛIыхъужъэу Г. Н. Трошевыр зышIэщтыгъэхэр, къу­лыкъур дэзыхьыгъэхэр, спортым щыцIэрыIо тренерхэр, бэнакIохэр зэхахьэм къырагъэблэгъагъэх, ягукъэкIыжьхэр къарагъэIотагъэх. Зэнэкъокъум щызэIукIагъэхэр зэхэуцохэзэ нэпэеплъ сурэтхэр атырахыгъэх.

Зэнэкъокъум исудья шъхьаIэу, Урысыем изаслуженнэ тренерэу Рудольф Бабоян иеплъыкIэхэм къащыхигъэщыгъ Адыгеим ибэ­накIохэм алырэгъум ухьазырыныгъэ дэгъу къызэрэщагъэ­лъэ­гъуа­гъэр.