УплъэкIуным къыгъэлъэгъуагъэр

Республикэм самбэмкIэ иеджапIэ уплъэкIун зэнэкъокъу щыкIуагъ. Илъэс 16 — 18 зыныбжьхэр текIоныгъэм фэбэнагъэх.

Яонтэгъугъэхэм ялъы­тыгъэу бэнакIохэр купи 8-мэ ащызэIукIагъэх. Апэрэ чIыпIэхэр къэзыхьыгъэмэ ацIэ­хэр къетэIох.

Мэлгощ Адам, кг 49-рэ, Кобл Рэмэзан, кг 53-рэ, Тэкъаш Заур, кг 58-рэ, Бэгъ Тимур, кг 64-рэ, Хьакъуй Амир, кг 71-рэ, ТIэшъу Сул­тIан, кг 79-рэ, Самир Архипов, кг 88-рэ, Къэлэ­къу­тэкъо Азэмат, кг 98-рэ.

Тренерхэу Гъомлэшк Алый, Джарымэкъо Рустам, Мэрэтыкъо Сахьидэ, Нэгъой Ибрахьимэ бэна­кIохэр агъасэх.

— ШэкIогъум и 4 — 7-м Урысыем и Къыблэ самбэмкIэ икIэух зэнэкъокъу Ермэлхьаблэ щызэхащэщт, — къытиIуагъ Адыгэ Рес­пуб­ликэм самбэмкIэ иеджапIэ итренерэу ГуIэтыжь Хьа­мидэ. — Адыгеим изэ­IукIэгъу-уплъэкIунхэм ха­гъэунэфыкIырэ чIыпIэхэр къащыдэзыхыгъэхэр Ер­мэлхьаблэ щыбэнэщтых. КIа­лэхэм яIэпэIэсэныгъэ зэ­­рэхагъахъорэр уплъэкIуным къыгъэлъэгъуагъ.