АгъэкIодыгъэ ахъщэм иIахь къафызэкIа­гъэкIожьыщт

Транспорт амалхэу бензинкIэ Iоф зышIэщтыгъэхэу газ (метан) оборудование зытырагъэуцожьыхэрэм атырагъэкIодэгъэ мылъкур къафызэкIагъэкIожьыным ипрограммэ Адыгеим щыпхыращы.

— 2010-рэ илъэсым нахь мыпасэу къыдагъэкIыгъэ транспортэу республикэм щатхыгъэхэр зыехэм сервиснэ гупчэм зызыфагъа­зэкIэ, газкIэ Iоф зэришIэщт пкъыгъор ыкIи ар зэрэтырагъэуцожьыщтым текIодэщт ахъщэм изы Iахь къафызэкIагъэкIо­жьыщт, — къыщаIуагъ Адыгэ Республикэм псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ.

Предпринимательствэ цIыкIум хэхьэрэ субъектхэм физическэ, юридическэ лицэхэу, унэе предпринимательхэу зитранспорт газкIэ Iоф ышIэнэу зышIыжьыхэрэм къафызэкIагъэкIожьыщтыгъэ ахъщэм фэдитIу хагъэхъуагъ.
Программэм хэлэжьэрэ гупчэхэр зыдэщытхэр:

Къ. Мыекъуапэ, ур. Шевченкэм ыцIэ зыхьырэм тет унэу N 136А-р, ур. Хьахъуратэр, 190-рэ, ур. Хьахъуратэр, 614-рэ.