Къабыбыхьэхэзэ къыхагъэщых

Урысые гвардием и ГъэIорышIапIэу АР-м щыIэм иавиационнэ отрядэу хэушъхьафыкIыгъэ пшъэрылъ зыгъэцакIэрэр подразделение анахь ныбжьыкIэхэм ащыщ. Ау ащ емылъытыгъэу шIуагъэ къэзытырэ IофшIэныбэ зэшIуехы.

ЗисэнэхьаткIэ IэпэIэсэныгъэ дэгъу зыIэкIэлъ къулыкъу­шIэхэу авиационнэ отрядым хэтхэм ыкIи джырэ шапхъэхэм адиштэрэ техникэу аIэкIэлъым яшIуагъэкIэ бзэджэшIагъэхэр къызэIуахынхэ, гъогу хэбзэу­къоныгъэхэм апэшIуекIонхэ, гъощэгъэ цIыфхэр къагъоты­жьынхэ алъэкIы, цIыфыбэ зы­хэлэжьэрэ Iофтхьабзэхэм алъэ­плъэх.

Ащ ипащэу полицием иподполковникэу Игорь Кучеренкэм къызэриIуагъэмкIэ, мы илъэ­сым дэкIыгъо 78-рэ бы­быгъэх, ар сыхьати 145-рэ та­къикъ 39-рэ мэхъу.

Адыгеим и Къэралыгъо автоинспекцие игъусэу гъогогъу 24-рэ (сыхьат 39-рэ такъикъ 33-рэ) тишъолъыр къабыбы-
хьагъ, административнэ хэбзэу­къоныгъэ 25-рэ къыхагъэщыгъ.

Урысыем щынэгъончъэнымкIэ и Федеральнэ къулыкъу и ГъэIорышIапIэу АР-м щыIэм игъусэу быбын дэкIыгъохэр зэдашIыгъэх. Ахэм яшIуагъэкIэ административнэ хэбзэу­къоныгъэ 55-рэ къыхагъэщыгъ, хэбзэнчъэу мэзыр зыщыраупкIын алъэкIыщт чIыпIи 2 агъэу­нэфыгъ.

НэмыкI хэбзэухъумэкIо къулыкъухэми авиационнэ отрядым Iоф адешIэ.

Iэшъынэ Сусан.