Урысыем спортымкIэ иминистрэ апэрэ мыл Унэшхо Адыгеим къыщызэIуихыщт

Iоныгъом и 6-м Урысые Федерацием спортымкIэ иминистрэу Олег Матыцинрэ Адыгэ Республикэм и ЛIышъхьэу КъумпIыл Муратрэ зэхэсыгъоу зэхащэщтым шъолъырымкIэ физическэ культурэмрэ спортымрэ хэхъоныгъэ ашIыным иIофыгъо, джащ фэдэу лъэпкъ проектэу «Демографием» къыдыхэлъытэгъэ федеральнэ проектэу «Спортыр —щыIэныгъэм ишапхъ» зыфиIорэм игъэцэкIэн щытегущыIэщтых.

Iофтхьабзэм изэфэхьысыжьхэм ауж Урысыем спортымкIэ и Ми­нистерствэрэ Адыгэ Рес­публикэмрэ физическэ культурэм ыкIи спортым алъэныкъокIэ зэрэзэдэлэжьэщтхэм фэгъэхьыгъэ зэзэгъыныгъакIэм кIэтхэщтых.

Мы мэфэ дэдэм федеральнэ министрэмрэ рес­публикэм ипащэрэ Адыге­им щашIыгъэ мыл Унэшхоу «Ошъутен» зыфиIорэм икъызэIухын фэгъэхьыгъэ мэфэкI зэхахьэм хэлэ­жьэщтых.

Iофтхьабзэм къыдыхэлъытагъэу Дунэе поли­цейскэ ассоциацием и Урысые секцие ихоккейнэ клубэу «PoIiceman» зыфиIорэмрэ АдыгеимкIэ
мы спорт лъэпкъыр зи­кIасэхэм яхэшыпыкIыгъэ командэрэ хоккей зэде­шIэщтых.

Джащ фэдэу Адыгеим и ЛIышъхьэ министрэр нэIуасэ фишIыщт респуб­ликэм испорт инфраструктурэ ипсэуалъэхэм.