УплъэкIунхэр лъагъэкIуатэх

Адыгеим щыпсэухэрэр коронавирусым щыухъумэгъэнхэм пае санитарнэ-эпидемиологическэ шапхъэхэр зэрэщызэрахьэхэрэм гъэлъэшыгъэ шIыкIэм тетэу лъэплъэх.


АР-м и ЛIышъхьэ ипресс-­къулыкъу къызэритырэмкIэ, цIыф­хэр бэу зыщызэрэугъоихэрэ чIыпIэхэм, IофшIапIэхэм, щапIэхэм, шхапIэхэм, зекIоным епхыгъэ объектхэм Рос­потребнадзорым къыгъэнэфэгъэ шапхъэхэр зэращагъэца­кIэхэрэм ащылъыплъэнхэмкIэ IофшIэныр муниципальнэ гъэ­псыкIэ зиIэ псэупIэхэмрэ рес­публикэ къулыкъухэмрэ ащы­лъагъэкIотэнэу КъумпIыл Мурат унашъо къышIыгъ.

«Шапхъэхэр зыукъохэрэм пшъэдэкIыжь пхъашэ яжъугъэхь. Сымаджэхэм япчъагъэ хахъо ыкIи экономикэр джыри къы­зэтедгъэуцо хъущтэп», — къыкIигъэтхъыгъ ЛIышъхьэм.
ГущыIэм пае, Кощхьэблэ районым ит щапIэхэм, шхапIэхэм, псэолъэшIыным зыщыпылъхэм, мэкъумэщ хъызмэтшIапIэхэм хэушъхьафыкIыгъэ комиссиеу зэхащагъэр якIуалIэ, яIофшIакIэ еуплъэкIу. Непэрэ мафэм ехъулIэу ащ Роспотребнадзорым къыгъэуцугъэ шап­хъэхэр щаукъуагъэу хъугъэ-шIэгъэ 11 къыщыхагъэщыгъ. Iэлъэ­нэIуихъо режимыр зэраукъуагъэр, шапхъэхэр зэрэщагъэ­нэфагъэхэмкIэ тхылъхэр зэрямыIэхэр ушъхьагъу фэхъугъэх административнэ протокол 11 зэхагъэуцоным.

Шъугу къэдгъэкIыжьын, шап­хъэхэр зыукъохэрэм опера­тивнэ штабым иунашъокIэ пхъа­шэу адэзекIощтых — тазырхэм къа­щыублагъэу ауплъэкIурэ объ­ектым иIофшIэн къызэтегъэу­цогъэным нэсыжьэу.