Къурмэным ихэгъэунэфыкIын зыфагъэхьазыры

Бэдзэогъум и 22-м Зуль-Хьаджэ мазэм иапэрэ мафэ къихьагъ. Ащ епхыгъэу Адыгеимрэ Пшызэ шъолъыррэ ябыслъымэнхэм я ДиндэлэжьапIэ зэрэтыриубытагъэмкIэ, бэдзэогъум и 31-м Къурмэныр хагъэунэфыкIыщт.

Джащ фэдэу ДиндэлэжьапIэм игъэцэкIэкIо комитет игъэкIоты­гъэ зэхэсыгъо къуаджэу Мэфэ­хьаблэ дэт мэщытым щыриIагъ. Бэрэскэшхо куп нэмазэу ашIы­хэрэм гъунапкъэу афашIыгъэхэм ятIонэрэ чэзыур тырахыжьыным ащ щытегущыIагъэх.

Унэгъо кIоцIым Къурмэн лъапIэр щыхагъэунэфыкIымэ нахьышIоу алъытагъ.

Ау мэщытхэм ачIахьэхэ зышIоигъохэр Роспотребнадзорым къыгъэнэфэгъэ санитарнэ шапхъэхэр шIокI имыIэу агъэцэкIэнхэ фае:

— маскэхэр, Iалъэхэр ежь къэкIощтхэм зыдаIыгъынхэр;

— метрэ 1,5-рэ язэпэчыжьагъэу щытыныр;

— пэтхъу-Iутхъум инэшанэ зиIэхэр мэщытым къемыкIолIэнхэр.

Зыныбжь илъэс 65-м къе­хъугъэхэр яунэхэм арысхэмэ нахь тэрэз. Мыекъопэ гупчэ мэщытым гъэцэкIэжьынышхо­-хэр зэрэрашIылIэхэрэм къы­хэкIыкIэ мэфэкIыр щыхагъэунэфыкIыщтэп. Ар къызызэIуа­хыжьыщт мафэр нахь кIасэу къаIощт.