Кадастрэ уасэр зэжъугъэшIэнэу шъуфаемэ…

Амыгъэкощырэ мылъкум икадастрэ уасэ зэжъугъэшIэнэу шъуфае хъумэ, электрон сервисхэр къызфэжъугъэфедэхэзэ онлайн шIыкIэм тетэу ар зэшIошъухын шъулъэкIыщт. Ащ нэмыкIэу амыгъэкощырэ мылъкумкIэ Къэралыгъо реестрэ зыкIым (ЕГРН) итым къыхатхыкIыным пае лъэIу тхылъ аIэкIэжъу­гъа­хьэмэ хъущт. 2020-рэ илъэсым иапэрэ мэзитфым ащ фэдэ къы­хэтхыкIыгъэ мини 3,3-рэ фэдиз республикэм щыпсэухэрэм аIэкIагъэхьагъ. Ахэм япроцент 60 фэдизмэ электрон документыр нахь къыхахыгъ.

Мыщ дэжьым къыхэгъэщыгъэн фае Кадастрэ палатэм амыгъэкощырэ мылъкум икадастрэ уасэ зэримыгъэнафэрэр. Ведомствэм амыгъэкощырэ мылъкум икадастрэ уасэ епхыгъэ къэбарыр Къэралыгъо реестрэ зыкIым регъахьэ.

Кадастрэ уасэм фэгъэхьыгъэ къэбарыр къызIэкIэгъэхьэгъэнымкIэ амал заулэ щыI. АпэрэмкIэ, шъуищыкIэгъэ псэуалъэр «Публичнэ кадастрэ картэкIэ» заджэхэрэм къижъугъотэн шъулъэ­кIыщт кадастрэ номерым- рэ е адресымрэ атегъэпсыхьа­гъэу. Шъузыфэе псэуалъэм чIыпIэу ыубытырэр, кадастрэ уасэу иIэр, зыщыбгъэфедэн ыкIи зэрэбгъэфедэн плъэкIыщтыр ащ ижъу­гъотэщт.

ЯтIонэрэмкIэ, «Справочная информация в режиме onlIne» зыфиIорэ сервисри къызфэжъугъэфедэн шъулъэкIыщт. Псэуа­лъэм икадастрэ номер ащ IэкIэ­жъугъахьэмэ икъущт.
ЯщэнэрэмкIэ, мылъкур зиунаехэм кадастрэ уасэр псынкIэу зэрагъэшIэн алъэкIыщт Росреестрэм исайткIэ.

Официальнэ документэу кадастрэ уасэр къэзгъэшъыпкъэжьырэр шъуищыкIагъэ хъумэ, ЕГРН-м къыхэтхыкIыгъэр къызIэкIэжъугъэ­хьан фаеу хъущт. Банкым чIыфэ къыIышъухын, джащ фэдэу фэгъэ­кIотэныгъэ е субсидие горэм шъукIэлъэIун хъумэ, ар жъугъэфедэн шъулъэкIыщт.

А пстэуми анэмыкIэу Кадастрэ палатэр цIыфхэр зыщыпсэухэрэ чIыпIэхэм анэсызэ яфэIо-фа­шIэхэр афигъэцэкIэнхэм тегъэ­псыхьагъэу щыт.