Сомэ мини 180-м ехъу къызэкIагъэкIожьыгъ

Ешъуагъэхэу транспортыр зыгъэIорышIэу къаубытыгъэхэм тазырэу атыралъхьагъэр къапщыныжьыным фытегъэ­псы­хьэгъэ Iофтхьабзэ Мыекъуапэ ихьыкум приставхэмрэ гъогурыкIоныр щынэгъончъэнымкIэ Къэралыгъо авто­ин­спек­цием икъулыкъушIэхэмрэ зэхащагъ. ВедомствитIум ялIыкIохэр чIыфэ зытелъхэм адэгущыIагъэх, тазырыр къапщынын зэрэфаер агурагъэIуагъ. Iофтхьабзэр зыщыкIогъэ уахътэм сомэ мини 180-м ехъу къы­зэкIагъэкIожьыгъ.

Джащ фэдэу хьыкумым унашъоу ышIыгъэр зымыгъэцэкIэрэ нэмыкI купхэми Iоф адашIагъ. ГущыIэм пае, кIэлэпIупкIэр зы­мытырэр къыхагъэщыгъ, ащ административнэ пшъэ­дэкIыжь рагъэхьыгъ.

ЧIыфэ шъутелъымэ зэжъугъэшIэн е ар шъупщыныжьын гухэлъ шъуиIэмэ хьыкум приставхэм я Федеральнэ къулыкъу АдыгеимкIэ и ГъэIорышIапIэ исайтэу «http://r01.fssp.gov.ru/» зыфиIорэм шъуихьанышъ, ащ къытырэ амалхэр къызфэжъугъэфедэнхэ шъулъэкIыщт.

Хьыкум приставхэм я Федеральнэ
къулыкъу АдыгеимкIэ
и ГъэIорышIапIэ ипресс-къулыкъу