Зылъэгъугъэхэр агъэунэфых

2020-рэ илъэсым гъэтхапэм и 26-м пчэдыжьым сыхьатыр 9-м такъикъ 25-кIэ ежьагъэу урамхэу Хьахъуратэм ыцIэ зыхьырэмрэ Победэмрэ зыщызэуалIэхэрэм, автомобилэу БМВ-м иводитель нэфрыгъозэ плъыжьыр къаблэзэ гъогу зэхэкIыпIэм телъэдагъ ыкIи гъогурыкIоным ишапхъэхэр ымыукъохэу къачъэщтыгъэ автомобилэу Ниссаным еутэкIыгъ. Ниссаным ыбгъукIэ къызеом, ыпэ къикIырэ гъогум тыридзи, Реном еутэкIыгъ.

Мы хъугъэ-шIагъэм ыпкъ къикIэу автомобильхэу Ниссанымрэ Реномрэ яводительхэм ыкIи ахэм ащыщ къыдисыгъэ зы нэбгырэм шъобжхэр атещагъэхэу сымэджэщым аща-гъэх.

Следствием цIыфхэм зафегъазэ, мы хъугъэ-шIагъэм щыгъуазэхэу, зылъэгъугъэхэу къэбар горэ зыIэкIэлъхэр Мыекъуапэ иполицие идежурнэ часть иномерхэу (8772) 52-30-71, джащ фэдэу 8-961-818-24-18 къатеонхэу.

АР-м хэгъэгу кIоцI IофхэмкIэ и Министерствэ ипресс-къулыкъу