Шъуикъэбар яшъумыIуат

Непэ цIыфхэр зэфэтхэнхэм, зэдэгущыIэнхэм афэшI социальнэ хъытыум иамал зэфэшъхьафхэр къызфагъэфедэх. ЗэIукIэхэу зэдэгущыIэнхэм нахьи, мыщ фэдэ шIыкIэр  бэмэ нахь IэшIэхэу къыхахы.

Тилъэхъан бзэджашIэхэм къины къащымыхъоу  цIыфым епхыгъэ къэбарыр къызIэкIагъэхьан алъэкIы. Ежь цIыфхэми бзэджашIэхэм цыхьэ афашIыхэзэ якъэбархэр араIох.

Интернет сайтхэм цIыфым ежь имыеу сурэт къаригъэуцон ылъэкIыщт. Арышъ,  дэгъу дэдэу шъумышIэрэ цIыфыр шъуищыIэныгъэ щышъумыгъэгъуазэмэ нахьышIу.

Зыщышъумыгъэгъупш, видео ыкIи аудио шIыкIэмкIэ зэдэгущыIэгъоу адэшъушIыгъэхэр бзэджашIэхэм къызфагъэфедэ-
ни,  шъуаушъхьакIун алъэкIыщт. Арышъ, сакъыныгъэ къызхэжъугъаф, шъуикъэбар зыпарэми ешъумыIуат.