ИлъэсныкъокIэ афылъагъэкIотагъ

Уахътэр къызэрэсыгъэм диштэу сэкъатныгъэ зэряIэр къэзыушыхьатырэ тхылъыр нэбгырэ мини 2-мэ афагъэпсыжьыгъ.

Адыгэ Республикэм IофшIэнымкIэ ыкIи социальнэ хэхъоныгъэмкIэ и Министерствэ къызэритырэмкIэ, ыпэкIэ мыщ фэдэ тхылъ зиIагъэхэм илъэсныкъокIэ афылъагъэкIуатэ. Мыщ фэдэ шIыкIэм ишIуагъэкIэ, сэкъатныгъэр апэрэу зыфагъэуцурэ цIыфыр медикэ- социальнэ экспертизэм и Бюро екIолIэн ищыкIэгъэ­щтэп.

— 2020-рэ илъэсым гъэтхапэм и 1-м щегъэжьа­гъэу чъэпыогъум и 1-м нэс сэкъатныгъэр къэзыушыхьатырэ тхылъыр лъыбгъэкIотэнэу мэхъумэ, ар ежь цIыфыр къыхэмылажьэу илъэсныкъокIэ фызэкIа­хьащт. Ащ пае зи пшIэн ищыкIагъэп, — къыщаIуагъ ведомствэм.

Джащ фэдэу реабилитацием епхыгъэ программэхэри илъэсныкъокIэ лъагъэкIуатэх.

Федеральнэ реестрэм къытырэ къэбарыр иIэубытыпIэу пенсием игъэнэфэн ыкIи итын фэгъэзагъэр ПенсиехэмкIэ фондыр ары. Нахь игъэкIотыгъэу къэбарыр зэжъугъэшIэным фэшI АР-м медикэ-социальнэ экспертизэмкIэ и Бюро шъхьаIэ телефонымкIэ шъутеон шъулъэкIыщт. Ащ иномерыр 8(8772) 55-11-36.

Гъонэжьыкъо Сэтэнай.