Зичэзыу шIушIэ Iофтхьабз

Коронавирусым илъэхъан цIыфхэм IэпыIэгъу афэхъугъэным фы­те­гъэпсы­хьэгъэ шIушIэ IофшIэныр Адыгеим щызэхащэ.

Адыгэ Республикэм и ЛIышъхьэу, партиеу «Еди­нэ Россием» ишъолъыр къутамэ и Секретарэу КъумпIыл Мурат игукъэ­кIыкIэ мыщ ичэзыу едзыгъо лъагъэкIотагъ. БлэкIыгъэ Iофтхьабзэм фэдэу ащ икIэщакIор ­партием ишъолъыр къутам ары.

Гъомылапхъэхэр зэрылъ Iалъмэкъ мин 20 фэдиз агъэхьазырыгъ, ахэр щыкIагъэ, гъот макIэ зиIэ унагъохэм атырагощэщтых.

ШIушIэ Iофтхьабзэм нахь цIыфыбэ къырагъэубытэнэу республикэм ипащэ пшъэрылъ къы­гъэуцугъ. Джащ фэдэу IэпыIэгъур зэфагъэ хэ-лъэу зытефэхэрэм атегощэгъэным мэхьанэшхо иIэу КъумпIыл Мурат къы­гъэнэфагъ. Ащ къыхэкIыкIэ анахьэу анаIэ зытыра­гъэтыщтхэр щыIэныгъэм чIыпIэ къин ригъэуцуа­гъэхэр, гъот макIэ зиIэхэр арых. IэпыIэгъу зищыкIагъэхэр ямуниципалитетхэм ыкIи партиеу «Единэ Россием» къащазэIуахыгъэхэ телефон плъырхэм яномерхэм атеонхэ алъэкIыщт.