Игъом агъэкIодын фае

ЦIыфым ипсауныгъэ лъэшэу иягъэ езгъэкIырэ уц шIоеу амброзием къэкIынэу ыкIи зиушъомбгъунэу ригъэжьагъ. Ащ тыкъэзыуцухьэрэ дунаир еушIои, лэжьыгъэхэми, цIыфхэми зэрар къафехьы.

Россельхознадзорым Къыблэ шъолъырымкIэ и ГъэIорышIапIэ мэкъумэщ хъызмэтшIапIэхэм, организацие зэфэшъхьафхэм япащэхэм, цIыфэу республикэм исхэм закъыфигъазэзэ, нахь кIасэ амыгъэхъоу уц шIоим игъэкIодын ыуж ихьанхэу къяджэ. Игъом ар зымыгъэцакIэхэрэм пшъэдэкIыжь ахьыщт.

Амброзиер къэгъагъы мыхъузэ бгъэкIодыныр шIокI зимыIэ Iофэу щыт. Сыда пIомэ къэгъагъ къызихъокIэ цIыфхэм япсауныгъэ иегъэшхо ригъэкIыщт.

ХЪУТ Нэфсэт.