Апэрэ унагъор

Нэжъ-Iужъым лъыплъэнэу унагъом ыштэныр социальнэ IэпыIэгъукIэу щыт.

Ащ шапхъэу пылъхэм къызэра­щыдэлъытагъэмкIэ, зыныбжь хэкIотэгъэ цIыфэу зэрищэлIагъэм гъомылапхъэу е нэмыкIэу ищыкIэгъэ пстэур ригъэ­гъотын, изыгъэпсэфыни, ипсауныгъэ зэрэзэтыригъэуцощтыри фызэхищэнхэ фае, унагъом исэу, ыгукIэ рэхьатыныгъэ иIэу ыгъэпсэуныр шIокI зимыIэ Iофэу щыт. Нэжъ-Iужъым лъыплъэнэу зи­штэкIэ а пшъэрылъхэри игъусэх.

Ащ фэдэу АдыгеимкIэ зы унагъо щыIэ хъугъэ. Ар лъэныкъо пстэумкIи зэрищэлIэгъэ цIыфым ынаIэ тетыщт, фэсакъыщт, шапхъэхэм къащыдэ­лъытагъэхэр ыгъэцэкIэщтых.

АР-м IофшIэнымкIэ ыкIи социальнэ хэхъоныгъэмкIэ и Министерствэ къы­зэ­рэщаIуагъэмкIэ, ащ фэдэ унагъом мазэ къэс ахъщэ шIухьафтын къыфэкIощт.

ХЪУТ Нэфсэт.