Роспотребнадзорым къыгъэнэфэгъэ шапхъэхэр зэкIэ агъэцакIэхэмэ, Адыгеим бэдзэрхэр къыщызэIуахыжьыщтых. 
Санитарнэ-эпидемиологическэ шапхъэу щыIэхэр мыщ фэдэх:
— пчэдыжьрэ пчыхьэрэ щакIомэ ятемпературэ ашызэ ашIыныр;
— щакIо пэпчъ маскэ Iулъын ыкIи Iалъэхэр пылъынхэр;
— сыхьатитIу тешIэ къэс унэу зычIэтхэм жьыр къырагъахьэзэ ашIыныр;
— бактерициднэ остыгъэхэр, жьыр къезгъэкIокIыхэрэр ачIагъэуцоныр;
— сатыушIэ чIыпIэхэмрэ щэфакIохэмрэ азыфагу метрэрэ ныкъорэ дэлъыныр;
— благъэу узэкIэрыхьэ зэрэмыхъущтыр зытетхэгъэ мэкъэгъэIур тегъэпкIэгъэныр;
— илъэс 65-рэ зыныбжьхэм, а ныбжьым къехъугъэхэм, уз гъэтIылъыгъэ зиIэхэм, бзылъфыгъэ лъэрымыхьэхэм Iоф ямыгъэшIэгъэныр.
Роспотребнадзорым илIыкIохэм Оперативнэ штабым изэхэсыгъо къызэращаIуагъэмкIэ Адыгеим ит бэдзэрхэр джыри фэдэ IофшIакIэм фытегъэпсыхьагъэхэп. Шапхъэхэр зэкIэ загъэцэкIэрэ ужыр ары ахэр къызызэIуахыжьыщтхэр.