ТагъэгушIо

Урысыем каратэмкIэ изэнэ­къокъоу «Федерацием и Кубок» зыфиIорэр Москва хэкум икъа­лэу Одинцовэ щыкIуагъ.

Хэгъэгум ишъолъыр 48-мэ ябэнакIохэр алырэгъум щызэIукIагъэх. Адыгэ Республикэм ибэна­кIохэм пэщэныгъэ адызэрахьагъ тренерхэу Владимир Васильченкэмрэ Вартан Погосовымрэ.

Санкт-Петербург, Москва ыкIи Иваново хэкухэм, Къырым ябэ­накIохэм Пакъэ Алихъан атекIуи, дышъэр къыдихыгъ. Илъэс 12 – 13 зыныбжьхэм якуп хэтэу килограмм 36-рэ къэзыщэчхэрэм янэкъокъугъэ нарт шъаор рес­пуб­ликэ гимназием щеджэ.

Мыекъуапэ игурыт еджапIэу N 7-м иеджакIоу Егор Христофоровым, кг 45-рэ, джэрзыр купым къыщыдихыгъ.

Илъэс 18-м нахьыбэ зыныбжь­хэм Самвел Кизирян янэкъо­къугъ, дышъэр къыхьыгъ. Лъэустэнджэл Амир, илъэс 16 – 17 зыныбжьхэр, джэрзыр къыфагъэ­шъошагъ. Самвел Кизирян спортымкIэ мастер хъугъэ.

Урысыем каратэмкIэ изэнэкъо­къоу мэлылъфэгъум къалэу Орел щыкIощтым Адыгеим ибэнакIохэр зэрэхэлэжьэщтхэр тренерэу Владимир Васильченкэм къытиIуагъ.