2020-рэ илъэсым пыкIыгъэ уахътэм къыкIоцI машIом гъогогъу 11-рэ Мыекъуапэ зыкъыщиштагъ, зы нэбгырэ хэкIодагъ. 
МашIом зыкъымыштэнымкIэ гурыгъэIон IофшIэн гъэнэфагъэ цIыфхэм адызэрахьэ нахь мышIэми, чIылъэ унэе унэхэр ары нахьыбэрэмкIэ къызыкIанэхэ-
рэр. Электричествэр зэрыкIорэ гъучIычхэр жъы зэрэхъугъэхэм, пхъэкIэ агъэплъырэ хьакухэм тэрэзэу зэрадэмызекIохэрэм ыкIи нэмыкIхэм ар къахэкIы. МашIом зыкъыштэн-зыкъымыштэныр нахьыбэрэмкIэ цIыфым епхыгъэу щыт (процент 90-м фэдизыр).
Джыри зэ пстэуми зафэтэгъазэ: пIэм шъухэлъэу тутын шъуемышъу, электрическэ пкъыгъохэр пылъхэу къэшъумыгъанэх, шъори, къышъупэблагъэхэми япсауныгъэ къэшъуухъум.
ЗыгорэкIэ машIом зыкъыштагъэу шъулъэгъумэ, ащ лъыпытэу телефонэу 101-м шъутеу. МэшIогъэкIуасэхэр къэсыфэхэ нэс унэм цIыфхэр къищыгъэнхэм шъунаIэ тежъугъэт, псыр, пшахъор, чыхIэнхэр ыкIи нэмыкIхэр къызфэжъугъэфедэхэзэ машIом игъэкIосэн шъуфежь.
МашIом зыкъымыштэнымкIэ упчIэ горэ шъуиIэу е Iофыгъо горэм шъуигъэгумэкIэу щытмэ, Урысыем и МЧС и ГъэIорышIапIэу Адыгэ Республикэм щыIэм тел. 56-80-78-мкIэ шъукъытеон шъулъэкIыщт.
Р. А. Кушъу.
Къалэу Мыекъуапэ имэшIогъэкIосэ къулыкъу икъэралыгъо инспектор.