Лъэпкъхэм ялитературэ иIахь зэрэхишIыхьагъэм фэшI

Урысыем итхакIохэм я Союз, шыихъэу Иоанн Златоуст и Фонд, ИИПК-у «ИХТИОС» кIэщакIо зэрэфэхъугъэхэм тетэу шIухьафтынэу «Имперская культура» зыфиIоу профессорэу Эдуард Володиным ыцIэкIэ щытыр ятыгъэным тегъэпсыхьэгъэ Iофтхьабзэр 2020-рэ илъэсым щылэ мазэм икIэухым Москва щыкIуагъ.

Дунэе литературэмкIэ Институтэу М. Горькэм ыцIэкIэ щытым инаучнэ IофышIэ шъхьаIэу В.М. Гуминскэр зипэщэ комиссиер тхылъ тедзэпIи 107-у 2018-рэ, 2019-рэ илъэсхэм къыдэкIыгъэ тхылъ 273-рэ къязыхьылIагъэхэм, творческэ, общественнэ организациехэм шIухьафтын афэгъэшъошэгъэнымкIэ предложениехэм ахэплъагъ ыкIи 2019-рэ илъэсымкIэ лауреатхэр ыгъэнэфагъэх.

Номинациехэу «Поэзия», «Проза», «Драматургия», «Публицистика», «Книга о Героях», «Литературоведение», «Справочная литература», «История», «Душеполезное чтение», «Детская книга», «Славянское братство», «Наука», «События. Подвиги. Люди», «Музыкальное искусство», «Изобразительное искусство», «Территория слова» зыфиIохэрэмкIэ авторхэм яIофшIагъэхэр къырахьылIэгъагъэх.

Урысыем щыпсэурэ лъэпкъхэм ялитературэ иIахь зэрэхишIыхьагъэм фэшI номинациеу «События. Подвиги. Люди» зыфиIорэмкIэ шIухьафтынэу «Имперская культура» зыфиIоу профессорэу Эдуард Володиным ыцIэкIэ щытыр Урысыем IофшIэнымкIэ и ЛIыхъужъэу, тхакIоу МэщбэшIэ Исхьакъ Шумафэ ыкъом къы­фагъэшъошагъ.

Бэгъушъэ Марыет.