Нартым иджэрз

Нижегородскэ хэкум икъалэу Кстово самбэмкIэ зэнэкъокъу щы­кIуагъ. Урысыем щыщ кIалэхэу зыныбжь илъэс 23-м къемы­хъу­гъэхэр зэIукIэгъухэм ахэлэжьагъэх.

Къыблэ шъолъырым ихэшыпыкIыгъэ коман­дэ хэтэу, Адыгэ Республикэм щагъэсэгъэ Чэтыжъ Нурбый килограмм 68-м нэс къэзыщэчырэмэ ябэныгъ. Нарт шъаом джэрзыр къыдихыгъ.

Чэтыжъ Нурбый ипащэх Урысыем, Адыге­им язаслуженнэ тренерэу Джарымэкъо Нурбый, Тэхъутэмыкъуае испорт еджапIэ итренерэу Джарымэкъо Рустам. Н. Чэты­­жъым Урысыем иныбжьыкIэхэм язэнэкъо­къухэм хагъэунэфыкIырэ чIыпIэхэр заулэрэ къащихьыгъ, илъэс 18-м нэс зы­ныбжьхэм язэнэкъокъоу Сербием щыкIуагъэм зыхэлажьэм дышъэр къыфа­гъэшъо­шагъ. Тэхъутэмыкъуае щапIугъэ нарт шъаом игъэхъагъэхэм ахигъэхъонэу фэ-
тэIо.

Сурэтым итыр: Чэтыжъ Нурбый.