Муниципальнэ гъэпсыкIэ зиIэ «Къалэу Мыекъуапэ» ипащэу Андрей Гетманов:

— АР-м и ЛIышъхьэу КъумпIыл Мурат иIэпыIэгъукIэ Мыекъуапэ лъэпкъ проекти 6-мэ чанэу ахэлажьэ. Социальнэ лъэны­къом, къэлэ инфраструктурэм хэхъоныгъэхэр ашIынхэм, Мые­къуапэ нахь зэтегъэпсыхьагъэ хъуным ар афэIорышIэщт. 2019-рэ илъэсым проектхэм ягъэцэкIэн сомэ миллиард фэдиз апэIудгъэхьагъ.

Мыгъи IофшIэнхэр лъыдгъэкIотэщтых. «Дорожная сеть», «Современная школа», «Демография», «Культурная среда», нэмыкI лъэныкъохэри республикэм икъэлэ шъхьаIэ щыпхырытэщых. УФ-м и Президент къышIыгъэ Джэ­псалъэм анахьэу ынаIэ зыщытыридзагъэхэм ащыщ къэралы­гъом социальнэ-экономикэ хэ­хъоныгъэхэр ышIынхэр, цIыфхэм ящыIэкIэ-псэукIэ нахьышIу хъу­ныр. Унагъохэм IэпыIэгъу зэрафэхъущтхэр Владимир Путиным къыхигъэщыгъэ лъэныкъохэм ащыщ. Анахьэу унэгъо ныбжьыкIэхэм яшIуагъэ зэрарагъэкIыщтым къыщыуцугъ. Къэралыгъом щыпсэухэрэм ящыIэкIэ-псэукIэ нахьышIу хъу­ным мыщ фэдэ лъэбэкъухэр зэрэфэIорышIэщтхэр нафэ.