Тутыным емышъонхэм фэIорышIэ

ШэкIогъум иящэнэрэ мэфэку тутын емышъоным и Дунэе мафэ хагъэунэфыкIы.

Мы мафэм ипэгъокIэу АР-м медицинэ профилактикэмкIэ и Гупчэ Мыекъопэ медицинэ колледжым щеджэхэрэ студент-волонтерхэр игъусэхэу Iофтхьэбзэ гъэнэфагъэхэр Мые­къуапэ щызэхащагъэх. Гъэсэныгъэм иучреждениеу респуб­ликэм икъэлэ шъхьаIэ дэтхэм ащеджэхэрэм гущыIэгъу афэхъу­щтых, тутыным зэрарэу къыхьырэр къизыIотыкIхэрэ тхьапэхэр аратыгъэх.

Джащ фэдэу Мыекъопэ къэлэ тхылъеджапIэм къэбар-гъэсэныгъэ акциеу «Время жить. Стоп, дым!» зыфиIорэр щырекIокIыгъ. Ахэм зэкIэми пшъэ­рылъ шъхьаIэу яIэр тутыныр пкъышъолым къызэрегуаорэр цIыфхэм алъыгъэIэсыгъэныр ары.
(Тикорр.).