Яфитыны­гъэхэр къаухъумагъэх

Къэлэ прокуратурэм къеты

Ны мылъкур зэрагъэфедэрэм епхыгъэ хэбзэгъэуцугъэр зэрагъэцакIэрэр Мыекъопэ къэлэ прокуратурэм ыуплъэкIугъ.

ЗэрагъэунэфыгъэмкIэ, Мые­къуапэ щыщ нэбгырэ 19-мэ псэупIэ зэрагъэгъотыным е ар нахьышIу ашIыным фэшI ны мылъкур къызфагъэфедагъ. Ау зыныбжь имыкъугъэхэр къы­дыхалъытэхэзэ, пIэлъэ гъэнэфагъэм къыкIоцI унэр зэрэзытырарагъэтхэн фэягъэм фэдэу ашIыгъэп.

Зыныбжь имыкъугъэ кIэлэцIыкIу 35-мэ яфитыныгъэхэр къэлэ прокуратурэм къыухъумэхэзэ, ны-тыхэм алъэныкъокIэ дэо тхылъхэр хьыкумым ыгъэ­хьыгъэх.
Хьыкумым ыштэгъэ унашъор агъэцэкIагъ, зыныбжь имыкъугъэхэм яIахь хэлъэу псэупIэхэр атхыжьыгъэх.