Хэта хэкIыжьыгъэр?

Мыекъопэ футбол клубэу «Зэкъошныгъэм» итренер шъхьаIэу, Адыгэ Республикэм иза­слу­женнэ тренерэу Ешыгоо Сэфэрбый илъэс ешIэгъур ятIонэрэ купым щырагъэжьэным ыпэкIэ гущыIэгъу тыфэхъугъ.— Сэфэрбый, илъэс ешIэгъур шIэхэу ежъугъэжьэжьыщт. Сыд фэдэ Iофыгъоха непэ жъу­гъэцакIэхэрэр?
— ЕшIакIохэм кIуачIэр, къулайныгъэр апсыхьэ, зэIукIэгъухэм зафагъэхьазыры.
— Гъэзетеджэхэм яупчIэхэм уащыдгъэгъуазэ тшIоигъу.
— Дэгъу. Сигуапэу джэуап къястыжьыщт.
— «Зэкъошныгъэм» хэта хэ­кIыжьыгъэр?
— Зэзэгъыныгъэу адэтшIыгъэм иуахътэ зэрикIыгъэм фэшI Алексей Домшинскэр, Рамазан Мартынович, Василий Черовыр «Зэ­къошныгъэм» хэкIыжьыгъэх.
— Iащэ Анзор сыда къепIолIэщтыр?
— Урысыем изэнэкъокъу иапэ­рэ куп щешIэрэ командэу «Армавирым» Iащэ Анзор рагъэ­блэгъагъ. ЕшIэкIо ныбжьыкIэм тыфэгушIо.
— НыбжьыкIэ заулэ къе­жъугъэблэгъагъ, хэта шъуштэщтыр?
— Зэзэгъыныгъэ зыми дэт­шIыгъэгоп, тегупшысэнэу уахътэ тиI.
— Илъэс ешIэгъур сыдигъуа зырагъэжьэщтыр?
— Командэу купым хэтыщтым ипчъагъэ, зэнэкъокъур заублэщт мафэр зэхэщакIохэм агъэунэфы­гъэхэп, рахъухьащт унашъохэм тяжэ.
— Тэри тышъожэщт, зэдэгущыIэгъум пытыублэжьыщт.