Нахь къызэрыкIоу ашIыгъ

Урысые Федерацием и Правительствэ иунашъоу N 607-р зытетэу 2019-рэ илъэсым жъоныгъуакIэм и 16-м къыдэкIыгъэмкIэ цIыфым сэкъатныгъэу иIэр зэрагъэунэфырэ шапхъэхэм зэхъокIыныгъэхэр афашIыгъэх.

Гъэтэрэзыжьынхэм къызэрагъэнафэрэмкIэ, медикэ-социальнэ экспертизэ (МСЭ) зыфашIынэу щытым ратырэ направлениер информационнэ системэхэр хэлажьэхэзэ (ежь цIыфыр хэмытэу) электрон шIыкIэм тетэу МСЭ-м и Бюро IэкIагъэхьан фае. Ежь сымаджэр (е ащ иуполномоченнэ лIыкIо) къемызэгъэу МСЭ-м агъэкIонэу щытэп.

МСЭ-м икIэух зэфэхьысыжьхэр электрон шIыкIэм тетэу аIэкIагъэхьажьынхэ фае.
2019-рэ илъэсым чъэпыогъум и 1-м къыщыублагъэу къэралыгъо фэIо-фашIэхэмкIэ Портал зыкIыр къызфагъэфедэзэ цIыфхэу сэкъатныгъэу яIэр зыфагъэуцунэу щытхэм е ахэм ялIыкIохэм мы къыкIэлъыкIохэрэр агъэцэкIэн фае: МСЭ-м пае лъэIу тхылъыр атын; МСЭ-р зэрэщыIагъэмкIэ протоколым е актым икопие къызIэкIагъэхьан; уплъэкIунэу ашIыгъэм икIэух дырамыгъаштэмэ, дэожьынхэ алъэкIыщт.

Мыекъопэ районым ипрокуратур

Урысыем и Правительствэ иправовой документыкIэ 2019-рэ илъэсым жъоныгъуакIэм и 21-м къыщегъэжьагъэу кIуачIэ иIэ хъугъэ, положение зырызхэм 2019-рэ илъэсым чъэпыогъум и 1-м къыщегъэжьагъэу кIуачIэ яIэ хъущт.