Наукэм, литературэм, искусствэм алъэныкъокIэ АР-м и Къэралыгъо шIухьафтынхэр зыфагъэшъуашэмэ хъунэу къагъэлъэгъуагъэхэр

Наукэм, литературэм, искусствэм алъэныкъокIэ Адыгэ Республикэм и Къэралыгъо шIухьафтынхэмкIэ комиссиеу Адыгэ Республикэм и ЛIышъхьэ дэжь щыIэм къызэритыгъэмкIэ, зигугъу къэтшIыгъэ Къэралыгъо шIухьафтынхэр зыфэ­гъэшъо­ша­гъэмэ хъущтхэр къагъэлъэгъуагъэх.

1. Наукэм ылъэныкъокIэ:

1) Шыумэфэ Мыхьамэт Мы­шъэост ыкъор имонографиеу «Устойчивость и стабилизация динамических систем» зыфи­Iорэм пае;

2) Бырсыр Батырбый Мыхьамодэ ыкъомрэ Бырсыр Сафыет Амин ыпхъумрэ зэдызэхагъэуцогъэ убых-адыгэ-урыс гущыIа­лъэм пае;

3) Къудаикъо Светлана Григорий ыпхъур имонографиеу «Адыги (черкесы) Северо-Западного Кавказа в ХIХ веке: процессы трансформации и дифференциации адыгского общества» зыфиIорэм пае.

2. Литературэм ылъэны­къокIэ:

1) ГъукIэ Замудин Лелэ ­ыкъор итхылъэу «Атлас черкесского (адыгского) шичепшина» зыфи­Iорэм пае;

2) ЛIыхэсэ Мухьдин Исмахьилэ ыкъор иусэхэмрэ иорэдхэмрэ ащыщхэр къызыдэхьэгъэ тхы­лъэу «Избранное» зыфиIорэм пае;

3) Байнова Надежда Юрий ыпхъур итхылъэу «Деревенские истории» зыфиIорэм пае;

4) Къат Теуцожь Мадин ­ыкъор итхылъэу «В тяжелую годину» зыфиIорэм пае:

5) Хъот Замрэт Якъубэ ­ыпхъур итхылъэу «Джыри си Едэпсыкъоешхо сыдэт» зыфи­Iорэм пае;

6) Кушъу Аслъан Мурат ­ыкъор итхылъэу «Письма в вечность» зыфиIорэм пае;

7) Хьакъунэ Заремэ Индрыс ыпхъур итхылъэу «Ныбджэгъу къысфэхъу» зыфиIорэм пае.

3. Искусствэм ылъэны­къокIэ:

Биданэкъо (Уджыхъу) Марыет Щамилэ ыпхъур зэхищэгъэ кIэлэ­цIыкIу-театральнэ студиеу «Щыгъыжъый» зыфиIорэм пае:

2) Белов Виктор Захар ­ыкъор тхылъэу «Майкоп — столица Республики Адыгея» зыфиIорэм къыдэхьэгъэ сурэтхэм апае.

Наукэм, литературэм, искусствэм алъэныкъокIэ Адыгэ Рес­публикэм и Къэралыгъо шIухьаф­тынхэмкIэ комиссиеу ­Адыгэ Рес­публикэм и ЛIышъхьэ дэжь щыIэм (ыужкIэ комиссиер тIозэ дгъэкIощт) творческэ, общественнэ организациехэр, научнэ кол­лективхэр, еджапIэхэр, культу­рэмрэ искусствэмрэ яучреждениехэр, къэбар жъугъэм иамал­хэр къырегъэблагъэх наукэм, литературэм, искусствэм алъэныкъокIэ АР-м и Къэралыгъо шIу­хьафтынхэр зыфагъэшъуа­шэмэ хъущтхэм яIофшIагъэхэм жъугъэу атегущыIэнхэу.

2019-рэ илъэсым шышъхьэIум и 1-м нэс мыщ фэдэ чIыпIэм щыIэ комиссием шъуиматериал­хэр къыIэкIэжъугъэ­хьанхэу ты­шъолъэIу: 385000, къ. Мыекъуа­пэ, ур. Пионерскэр, 199, я 524-рэ каб.

Шъузэрыгъозэщт телефоныр: 57-13-57