ПсыIыгъыпIэхэм язытет ауплъэкIугъ

Муниципальнэ гъэпсыкIэ зиIэ «Къалэу Мыекъуапэ» Iофтхьабзэу «ПсыIыгъыпI» зыфиIорэр щыкIуагъ.

Къалэм дэт гидрантхэм, машIом игъэ­кIосэнкIэ къызфагъэфедэрэ псыIыгъыпIэхэм, ахэм яекIолIапIэхэм, мэшIогъэ­кIосэ автомобильхэм ягъэуцупIэхэм язытет къэралыгъо инспекторхэм ауп­лъэкIугъ. Гидрант 755-мэ ащыщэу 102-мэ язытет дэеу агъэунэфыгъ.

МашIом игъэкIосэнкIэ къызфагъэфедэрэ псыIыгъыпIэхэм щыкIагъэу яIэхэр зыдамыгъэзыжьхэкIэ, нэмыкI къиныгъо­хэм яутэлIэнхэ алъэкIыщт. Ащ епхыгъэу муниципальнэ образованиеу «Къалэу Мыекъуапэрэ» муниципальнэ унитарнэ предприятиеу «Майкопводоканал» зыфиIорэмрэ япащэхэм тхылъэу аIэкIагъэ­хьагъэм щыкIагъэхэм ядэгъэзыжьынкIэ ищыкIэгъэ амалхэр зэрахьанхэу игъо щафалъэгъугъ.

Кушъу Рустам.
МэшIогъэкIосэнымкIэ Мыекъуапэрэ Мыекъопэ районымрэ якъэралыгъо инспектор.