Быслъымэнхэр хагъэIэжьыгъэх

Къуаджэхэм нахьыжъхэу адэсхэм ащыщхэу, мэщытхэм яIофышIэхэу, Адыгэ Респуб­ликэмрэ Краснодар краимрэ ащыпсэурэ быслъымэнхэу нэкIыр зыIыгъхэу нэбгырэ 1500-м ехъу пчыхьэ нэмазым ыуж тыгъуасэ Адыгэ Республикэм и ЛIышъхьэ имылъкукIэ хагъэIэжьыгъэх.


ЦIыфхэр бэ зэрэхъущтыгъэм къыхэкIэу къалэу Мыекъуапэ дэт мэщытышхом къыпэIулъ пчэгум Iанэхэр щызэрагъэфагъэх. Адыгэ Республикэмрэ Краснодар краимрэ я диндэлэжьапIэ ыцIэкIэ джащ фэдэу НэкIмэзэ мазэм къалэхэу Сыхъумрэ Гудаутрэ быслъымэнхэр щахагъэIэжьыгъэх.