Анахь сэнаущхэр къэнэфагъэх

ЖъоныгъуакIэм и 16-м, 2019-рэ илъэ­сым Адыгэ республикэ кIэлэцIыкIу тхылъеджапIэм тхылъеджэхэм азыфагу респуб­ликэ зэнэкъокъу «Весь мир театр, а дети в нем…» зыфи­Iорэр щызэхащэгъагъ. Зигъо Iофтхьабзэр, литературнэ зэнэ­къокъур, 2019-рэ илъэсыр театрэм и Илъэсэу УрысыемкIэ зэрагъэнэфа­гъэм епхыгъагъ. ЕджакIохэм IупкIэ еджэнымкIэ амал-къулайныгъэу ыкIи шIыкIэ-гъэ­псыкIэ IэпэIэсагъэу ахэлъыр къыраIотыкIынхэмкIэ усэхэу, прозаическэ ыкIи драматическэ произведениехэу урысые, IэкIыб къэрал, лъэпкъ тхакIохэм яехэм япычыгъохэр агъэфедагъэх. Зэнэкъо­къум ишапхъэ къызэрэдилъытэу, нэбгырэ пэпчъ икъе­джэн-зыкъэшIын музыкэр игъусагъ, декорацие ыкIи театрэ шъошэ гъэнэфагъэ иIагъ.

Республикэ зэнэкъокъум IупкIэ къе­джэн ыкIи зыкъэшIынымкIэ илъэси 7 – 10 ыкIи 11 – 14 зыныбжь еджакIохэу, тхылъеджэ чанхэр хэлэжьагъэх. Ахэм осэшI жюрим хэтхэм атефэрэ уасэр афашIыгъ.

Илъэси 7 – 10 зыныбжьхэмкIэ текIоныгъэр къыдахыгъ:
А I-рэ чIыпIэр – Къэлэкъу­тэкъо Джанеттэ (илъэси 9), Тэхъутэмыкъое район, къ. Бжыхьэкъоежъыр.
Я II-рэ чIыпIэр – Бэшкэкъо Асхьад (илъэси 8) ыкIи Кушъу Тамерлан (илъэ­си 8), Теуцожь район, къ. Очэпщый.
Я III-рэ чIыпIэр – Пахоль Каролина (илъэси 8), Джэджэ район, ст. Дондуковскэр.
Я IV-рэ чIыпIэр – Къунэ Лада (илъэ­си 10), Кощхьэблэ район, къ. Кощхьабл.
Илъэс 11 – 14 зыныбжьыхэмкIэ анахь дэгъоу алъытагъэхэр:
А I-рэ чIыпIэр – Пщыпый Дарин (илъэс 14), Теуцожь район, къ. Нэчэрэзый.
Я II-рэ чIыпIэр – ЯхъулIэ Руслъан (илъэс 12), Теуцожь район, къ. Нэшъу­къуай.
Я III-рэ чIыпIэр – ШIуцIэ Дан (илъэс 13), Тэхъутэмыкъое район, къ. Пэнэхэс.
Я IV-рэ чIыпIэр – Сергеева Татьяна (илъэс 12), Красногвардейскэ район.

ЛитературэмкIэ республикэ зэнэкъо­къум икIэух зэфэхьысыжьхэр джащ фэдэх, респуб­ликэм тхылъеджэ анахь чанхэм, сэнаущхэм яамал-лъэкI, яшIыкIэшIуагъэ, яартистизмагъэ, литературэм хэшIыкIэу ыкIи фэщэныгъэу фыряIэр къыгъэлъэ­гъуагъ, литературэр анахь зикIа­сэхэу, сценэм фытегъэпсыхьагъэ­хэри къэнэфагъэх.

Дзэукъожь Нуриет.
Сурэтыр Iэшъынэ Аслъан тырихыгъ.