IэпыIэгъу агъотыным пае…

Унэгъо былымэхъо фермэ зыгъэпсымэ зышIоигъохэм ыкIи езыгъэ­жьэ­гъэкIэ фермерхэм IэпыIэгъу ятыгъэным сомэ миллион 82,1-рэ Адыгеим 2019-рэ илъэсым щыпэIуагъэхьащт.

Ащ пае АР-м мэкъу-мэщымкIэ и Министерствэ зэнэкъокъу зэхищагъ. Грантхэр къызэратыщтхэм япэшIорыгъэшъ спискэхэр муниципальнэ образова­ние­хэм къагъэхьазырыгъэх. Къэ­ралыгъо IэпыIэгъур ыгъотыным щыгу­гъын зылъэкIыщтыр фермер 62-рэ мэхъу.

АР-м мэкъу-мэщымкIэ иминистрэу Владимир Свеженец тхылъхэм ягъэхьазырынкIэ фер­мерхэм IэпыIэгъу фэхъунхэу зэкIэ ащ фэгъэзагъэхэм унашъо афишIыгъ. Мэлылъфэгъум и 30-м къыщыублагъэу жъоны­гъуакIэм и 30-м нэс тхылъхэр аштэщтых.