«ТекIоныгъэм идиктант» атхыщт

Политическэ партиеу «Единэ Россием» игукъэкIыкIэ урысые патриотическэ Iофтхьабзэу «ТекIоныгъэм идиктант» зыфиIорэм ипортал иIофшIэн ригъэжьагъ.

Къэралыгъо Думэм идепутатэу, мы проектым икIэщакIоу Александр Хинштейн къызэриIуагъэмкIэ, Iофтхьабзэм фэгъэхьыгъэ къэбарыр зэкIэ сайтым рагъотэщт.

Шъугу къэдгъэкIыжьын, «Те­кIоныгъэм идиктант» Адыгэ Республикэм жъоныгъуакIэм и 7-м сыхьатыр 13.00-м Адыгэ къэралыгъо университетым инаучнэ тхылъеджапIэ щатхыщт.

Проектым изэхэщакIо диктантыр затхыхэ нэужми сайтым иIофшIэн лъагъэкIотэнэу мэгугъэ ыкIи нахь цIыфыбэ илъэс къэс къызэрэхагъэлэжьэщтым пылъы­щтых. Ащ пае къэбар гъэшIэ­гъонхэр ыкIи тестыкIэхэр сайтым къырагъахьэхэзэ ашIыщт.