Фестивалым зыфегъэхьазыры

Республикэм и Лъэпкъ театрэу Цэй Ибрахьимэ ыцIэ зыхьырэм режиссерэу ХьакIэгъогъу Къэсэй ыгъэуцугъэ спектаклэу «Кавказский меловой кругыр» къыщагъэлъэгъуагъ.Абхъазым, Адыгеим яартистхэр театрэм икъэгъэлъэгъон хэлэжьагъэх. Ным, сабыим, унагъом игъэпытэн яхьылIэгъэ едзыгъохэр щыIэныгъэм иджэмакъэх. Урысыем изаслуженнэ артисткэу, Адыгеим инароднэ артисткэу Уджыхъу Марыет бзылъфыгъэм ироль къышIызэ гупшысэ куухэр уегъэшIых. «Узэкъотмэ – улъэш», — еIо ащ.

Унэгъо баим къырахыгъэ сабыир зыпIужьыгъэ бзылъфыгъэр тхьамыкI. Адыгэ Респуб­ликэм изаслуженнэ артисткэу Уайкъокъо Асыет мыкIодыжьыныпсэ ролым къыпигъэкIагъ.

— Лъэпкъ театрэм Дунэе фестивалэу «Кавказский меловой круг» зыфиIоу мэлылъфэгъум и 22 – 28-м Мыекъуапэ щыкIощтым зыфегъэхьазыры, — къытиIуагъ театрэм ихудожественнэ пащэу ХьакIэгъогъу Къэсэй.

ЕмтIылъ Нурбый.