Сакъыныгъэ къызхэжъугъаф

Нахь фабэ къызэрэхъурэм, ощхыхэр нахь макIэу къызэрещхыхэрэм къахэ­кIэу тихэгъэгу ичIыпIэ зэфэшъхьафхэм машIом закъыщиштэным ищынагъо къашъхьарэхьэ.Сыбыррэ КъокIыпIэ Чы­жьэмрэ ямэзхэр ары анахьэу а ошIэ-дэмышIагъэ зыхэлъ тхьамыкIагъом зэлъиштэ­хэ­рэр. Мы илъэсми джащ фэ­дэу хъугъэ.

Урысыем ошIэ-дэмышIэ IофхэмкIэ и Министерствэ иунашъоу N 132-р зытетэу 2017-рэ илъэсым гъэтхапэм и 24-м къыдэкIыгъэм къызэ­рэщиIорэмкIэ, машIом ана­хьэу зыкъызщиштэн ылъэ­кIыщт чIыпIэхэр план гъэнэфагъэм тетэу ауплъэкIухэзэ ашIын фае. Анахьэу мыщ фэдэ Iофтхьабзэхэр зэра­хьэхэ зыхъукIэ ары сакъы­ныгъэ къызызыхагъэфэн фаер:

— мэзым къыпэблэгъэ чIыпIэхэм уц гъугъэр, хэ­кIыр, къефэхыгъэ къута­мэхэр ащызэхаугъуаехэ;

— гъэстыныпхъэхэм яIы­гъынкIэ псэолъэ зэфэ­шъхьафхэр мэзым пэблагъэхэу агъэпсыхэ;

— пхъэ машIохэр (кос­терхэр) ашIыхэ:

— цIыфхэм якъэгъэнэ­жьын епхыгъэ Iофтхьэбзэ гъэнэфагъэхэр зэшIуахыхэ зыхъукIэ.

ЗэкIэми тыкъышъоджэ са­къыныгъэ къызхэжъугъэфэ­нэу, машIом зыкъымыштэным­кIэ шапхъэу щыIэхэр шъумыукъонхэу, зичэзыу уплъэкIунхэу зэхащэщтхэм шъуичIыпIэ афэжъугъэхьазырынэу.

Кушъу Рустам.
МашIом зыкъымыштэным лъыплъэгъэнымкIэ къалэу Мыекъуапэрэ Мыекъопэ районымрэ якъэ­ралыгъо инспектор.