Кощын хэбзэгъэуцугъэм зэхъокIыныгъэхэр фэхъугъэх

Федеральнэ законэу «О правовом положении иностранных граждан РФ» зыфиIорэм гъэтэрэзыжьынхэр фашIыгъэх.

2019-рэ илъэсым щылэ мазэм и 7-м къыщегъэжьагъэу IэкIыбым къикIыгъэр е гражданствэ зимыIэр УФ-м игражданин готхагъэу ыкIи зы­щыпсэун чIыпIэ тикъэралыгъо щы­риIэу щытмэ квотэ имыIэу ишъхьэгъусэ зыдэщыIэ шъо­лъырым охътэ гъэнэфагъэкIэ щыпсэун ылъэкIынэу Iизын къы­ратыщт.

Охътэ гъэнэфагъэкIэ Урысые Федерацием щыпсэурэ IэкIыбым къикIыгъэм къэралыгъом щыпсэунымыкIэ Iизын къезы­тыгъэ шъолъырым игъунапкъэ блэмыкIэу зыфэе чIыпIэм щы­псэун, кощын ылъэкIынэу фитыныгъэ джы иIэщт.

Ащ нэмыкIэу, IэкIыб къэралыгъом щыпсэухэрэ тилъэп­къэгъухэм яшIоигъоныгъэ хэлъэу УФ-м къэкощыжьынхэмкIэ къэралыгъо программэу щыIэм Урысые Федерацием щыпсэоу IэкIыбым къикIыгъэр ыкIи ащ иунагъо хэлэжьагъэу статус иIэ хъумэ, Урысыем инэ­­мыкI субъектхэм псэупIэкIэ ко­щыжьынхэ алъэкIыщт.

Мыхэм анэмыкIэу, IэкIыбым адрэ къикIыгъэхэр УФ-м щыпсэунхэмкIэ Iизын къязы­тыгъэ шъолъырым игъунапкъэ­хэр къыбгынэнхэ, зыфаем щы­псэунхэ фитыщтхэп.

АР-м хэгъэгу кIоцI IофхэмкIэ и Министерствэ ипресс-къулыкъу.