ВодителитIу къаубытыгъ

АР-м и Къэралыгъо автоинспекцие иинспекторхэм Кощхьэблэ районым къулыкъур щахьызэ, автомобилэу ВАЗ-2106-р къызагъэуцум, илъэс 42-рэ зыныбжь хъулъфыгъэу рулым кIэрысыгъэр ешъуагъэу къычIэкIыгъ.

УплъэкIунхэр зашIыхэм, хъулъфыгъэм правэхэр ымыIыгъэу ыкIи ыпэкIэ ешъуагъэу къызэрагъэуцугъэмкIэ административнэ пшъэ­дэкIыжь телъэу агъэунэфыгъ. Мы IофымкIэ хъулъфыгъэм уголовнэ Iоф къыфызэIуахыгъ.

Шэуджэн районым щыпсэурэ хъулъфыгъэу илъэс 50 зыныбжьыр ешъуагъэу рулым Iусэу къулыкъушIэхэм къаубытыгъ. ЗэрагъэунэфыгъэмкIэ, мыщ фэдэ хэбзэукъоныгъэ ыпэкIи хъулъфыгъэм зэрихьагъэу къычIэкIыгъ.

ВодителитIуми ятранспорт аIахыгъ ыкIи хэушъхьафыкIыгъэ уцупIэм дагъэуцуагъэх.
Полицием иIофышIэхэр цIыфхэм къяджэх ешъуагъэхэу автомобилыр зэрамыфэнхэу, водитель пэпчъ гъогум сакъыныгъэ ыкIи Iэдэб къыщызхигъэфэнэу.