Зэнэкъокъу зэхащэ

Урысые Федерацием и Генеральнэ прокуратурэ къолъхьэ тын-Iыхыным пэшIуекIорэ рекламэу «Тызэгъусэу къолъхьэ тын-Iыхыным тыпэуцужьы!» зыфиIорэмкIэ Дунэе ныбжьыкIэ зэнэкъокъу зэхещэ.

2013-рэ илъэсым Армениер, Белоруссиер, Казахстан, Кыргызстан, Урысыер ыкIи Таджикистан зыхэхьэгъэхэ Дунэе советэу зэхащагъэр ары Iофтхьабзэм фэгъэзагъэр.

Хэгъэгу зэфэшъхьафхэм ащыпсэурэ ныбжьыкIэхэу илъэс 14-м къыщегъэжьагъэу илъэс 35-м нэс зыныбжьхэм плакат е видеоролик фэдэу яIофшIагъэхэр агъэхьазырынхэ фае. 2018-рэ илъэсым бэдзэогъум и 2-м къыщегъэжьагъэу чъэпыогъум и 19-м нэс официальнэ сайтэу www.аnticоrruрtiоn.Iifе зыфиIорэмкIэ заявкэхэр аштэщтых.

Зэнэкъокъум пылъ шапхъэхэм защызыгъэгъуазэ зышIоигъохэм Урысые Федерацием и Генеральнэ прокуратурэ исайтэу http://www/genp-roc.gov.ru/anticor/konkurs-vmeste-protiv-korrupcii/. рагъотэщтых.

ЗэхэщакIохэр зыщыгугъыхэрэр дунэе Iофыгъоу къэуцугъэ къолъхьэ тын-Iыхыным изэшIохынкIэ цIыфхэм еплъыкIэу яIэхэр къыраIотыкIынхэм изы амалэу зэнэкъокъур хъунэу ары.

2018-рэ илъэсым тыгъэгъазэм и 9-м къолъхьэ тын-Iыхыным пэуцужьыгъэным и Дунэе мафэ тефэу зэнэкъокъум щытекIуагъэхэм шIухьафтынхэр аратыжьыщтых.