Псыкъефэххэм цIыфхэм ахъщэ жъгъэйхэр ахадзэхэу хабзэ. Ар къэзыугупшысыгъэр зыми гъэнэфагъэу ышIэрэп, ау зэкIэми уитхьалъэIу къапIоу, псым уакIыб фэбгъазэу ахъщэр зыхабдзэкIэ узыфаер къыбдэхъущтэу аIо.
Италием икъэлэ гупчэу Рим дэт псыкъефэхым икIыгъэ илъэсым доллар миллионрэ ныкъорэ фэдиз хадзагъэу къалъытагъ, ар 2013-рэ илъэсым псым хатэкъогъагъэм доллар минишъэ фэдизкIэ нахьыб.
Туризмэ хъызмэтым ипащэхэм къызэраIорэмкIэ, зыгъэпсэфакIохэм яахъщэу псым къыхахыжьырэр шIушIэ католическэ организациехэм афагощы. АхъщэмкIэ тхьамыкIэхэр агъашхэх, ыпкIэ амытэу ящыкIагъэхэр къызщаратыщт тучанхэр къызэIуахых, сэдэкъэхэдзхэм чэщыр зыщырахыщт псэуалъэхэр афагъэпсых.
Ахъщэм нэмыкIэу псым IункIыбзэхэр, бгъэхалъхьэхэр, дышъэм хэшIыкIыгъэ цэхэр, пшъэрылъхэр, нэмыкI пкъыгъохэри къыхахых. Рим дэт псыкъефэхым «ТревикIэ» еджэх. Ар я 18-рэ лIэшIэгъум агъэпсыгъагъ. Аужырэу ар бизнесмен цIэрыIохэм 2015-рэ илъэсым агъэкIэжьыгъ.