Нэмыц хирург цIэрыIоу Оливер Томуш мы мафэхэм Мыекъуапэ щыIагъ. Мыекъопэ къэралыгъо технологическэ университетым хэт медицинэ институтым ия 3 — 4-рэ курсхэм ястудентхэм апае ар лекцие къеджагъ.
ЗэлъашIэрэ нэмыц хирургыр Мыекъопэ технологическэ университетым ипрофессор, идоктор гъэшIуагъ. Ар аIукIагъ университетым иректорэу Къуижъ Саидэрэ еджапIэм ипрезидентэу ТхьакIущынэ Аслъанрэ. Ахэр мы еджапIэмрэ Фрайбург университетым иклиникэу хирургыр къыздикIыгъэмрэ зэрэзэдэлэжьэщтхэм, зэзэгъыныгъэу урысые ыкIи германскэ университетхэм зэдашIыгъэхэр зэрагъэцакIэхэрэм атегущыIагъэх.
Адыгэ республикэ клиническэ сымэджэщым Оливер Томуш студентхэм лекцие къащыфеджагъ. Мыр апэрэп Адыгеим къызэрэкIорэр, къакIо къэс лекцие гъэшIэгъонхэм врач хъущт ныбжьыкIэхэр арегъэдэIух. Ахэр непэ зигъо шъыпкъэ Iофыгъохэу диагностикэм ыкIи операциехэм язэхэщэн афэгъэхьыгъэх.
(Тикорр.).