Къэхъурэр нахьыб

ЗАГС-м икъутамэу Адыгэ­къалэ дэтым ипащэу Цопсын Бэлэрэ иIофшIэгъоу Цуякъо Маринэрэ тызэрэщагъэгъо­за­гъэмкIэ, 2016-рэ илъэсым сабыеу къэхъугъэу атхыгъэр 270-рэ. Зидунае зыхъожьыгъэр нэбгыри 174-рэ. Къэхъугъэр сабыи 100 фэдизкIэ нахьыб. НэмыкI чIы­пIэхэм къащыхъу­гъэхэр джыри ащ къыхэхъонхэ ылъэкIыщт датхэжьынхэу къызахьыжь­хэ­кIэ.

Сабыеу къэхъугъэхэм ащыщэу 140-р шъэожъыех, 129-р пшъэшъэжъыех. ГъэрекIо унагъо зэдашIэнэу зызэгозытхагъэр 91-рэ. Ыпэрэ илъэсым — 117-рэ. ЗэгокIыжьыгъэхэр 58-рэ.

Мы илъэсым иапэрэ мазэ къалэм къыщыхъугъэ сабыир мэфэкI шIыкIэм тетэу ЗАГС-м иотдел щатхыгъ. Ар ящэнэрэ лъфыгъэу ЦIыкIу зэшъхьэгъусэхэу Дианэрэ Аслъанрэ къафэхъугъэ Алан ары.

Апэ мыгъэ къалэм къыщызэрэщагъэхэу щызэгуатхагъэхэр Хъодэ Руслъанрэ Венера Раджабовамрэ.