ФэIо-фашIэр бэмэ алъыIэсыгъ

Адыгэ Республикэм IофшIэнымкIэ ыкIи социальнэ хэхъоныгъэмкIэ и Министерствэ къызэритырэмкIэ, 2016-рэ илъэсым «Социальное такси» зыфиIорэ социальнэ фэIо-фашIэр нэбгырэ 593-мэ къызфагъэфедагъ.

436b7d00048c302b0e42c26cd5b7ee07— Сэкъатныгъэ зиIэ цIыфхэу зекIон зымылъэкIыхэрэр ары нахьыбэрэмкIэ мы фэIо-фашIэр зыгъэфедэрэр. Зыгорэм зэрэкIощтхэм гурытымкIэ сомэ 50 пэIохьэ. Курэжъыер зыIэтырэ хэушъхьафыкIыгъэ транспортымкIэ узекIоным пае километрэм сомэ 11,60-рэ тефэ. Такъикърэ зяжэхэкIэ — соми 3,70-рэ. Уасэхэмрэ тарифхэмрэ зезыгъэкIорэ ГъэIорышIапIэу АР-м щыIэм мы тарифыр ыгъэнэфагъ, — къыщаIуагъ Адыгэ Республикэм IофшIэнымкIэ ыкIи социальнэ хэхъоныгъэмкIэ и Министерствэ.1418893131

Социальнэ таксим Iоф ышIэным пае сэкъатныгъэ зиIэ цIыфхэу курэжъыем исхэм атегъэпсыхьэгъэ автомобилитIу аратыгъ. Водитель, диспетчер ыкIи медицинэ сестра мы къулыкъум епхыгъэх. ЗыфиIогъэ чIыпIэм цIыфыр амыщэзэ ыкIи зынагъэсыхэкIэ уплъэкIунхэр медсестрам ешIых.

(Тикорр.).