Мыекъуапэ иурам шъхьаIэхэм къарыкIуагъэх

Адыгеим иапшъэрэ еджапIэхэм IэкIыб къэралхэм къарыкIыгъэ студентэу ачIэсхэр зэгъусэхэу тикъалэ иурам шъхьаIэхэм къарыкIуагъэх.

DSCN9464ГъогурыкIоным ишапхъэхэр зыбгъэцакIэхэкIэ гумэкIыгъо узэрэхэмыфэщтыр мы щысэмкIэ къагъэлъэгъуагъ. ГъогурыкIоным ишапхъэхэр зэраукъохэрэр дунэе гумэкIыгъоу зэрэщытыр, ар дэгъэзыжьыгъэным пае цIыфхэр зэгоуцонхэ зэрэфаер ныбжьыкIэхэм къыраIотыкIыгъ.

Джащ фэдэу кIэлэцIыкIухэм ящынэгъончъагъэ къэухъумэгъэным фытегъэпсыхьэгъэ Iофтхьабзэу «Гъогур — щыIэныгъэм итамыгъ» зыфиIорэм студентхэм дырагъэштагъ ыкIи ащ пае агъэхьазырыгъэ плакатым шъхьадж шIоигъоныгъэу иIэр иныдэлъфыбзэкIэ тыритхагъ.