ЗэгурыIоныгъэм икъэкIопIэшIухэр

Урысыем волейболымкIэ изэнэкъокъоу апшъэрэ купэу «Б-м» щыкIорэм Мыекъопэ «Динамо-МГТУ-р» хэлажьэ. Я 4-рэ къекIокIыгъом хэхьэрэ зэIукIэгъухэр Мыекъопэ къэралыгъо технологическэ университетым щызэхащагъэх.

dsc_0200Ростов-на-Дону, Санкт-Петербург, Владимир, Мыекъуапэ якоман­дэхэр тIурытIо тикъалэ щызэдешIэнхэу щытых. Непэ аужырэ зэIукIэгъухэр яIэщтых. Къалэу Владимир икомандэ «Ди­намо-МГТУ-р» дэгъоу дешIагъ, тиспортсменхэр 3:1-у хьакIэхэм атекIуагъэх.

Тренер шъхьаIэу, Адыгэ Республикэм изаслуженнэ тренерэу Павел Зборовскэр тиешIакIохэм къащытхъугъ, зэгурыIоныгъэ зэра­хэлъым мэхьанэ ритыгъ. А. Со­ко­ловым, Ю. Пичуевым, Р. Къошкым, Н. Филипповым, Р. Видчен­кэм, В. Переверзевым, нэ­мыкI­хэм яIэпэIэсэныгъэкIэ тагъэгу­шIуагъ.

«Динамо-МГТУ-р» «Автомобилист» Санкт-Петербург ­тыгъуасэ дешIагъ, Владимир икомандэ непэ сыхьатыр 11-м IукIэщт. Ти­ешIакIохэр я 2-рэ чIыпIэм щыIэх.