«Динамо-МГТУ-р» лъэкIуатэ

Урысыем волейболымкIэ изэнэкъокъоу апшъэрэ ­купэу «Б-м» щыкIорэм хэлэжьэрэ хъулъфыгъэ командэхэм ятIонэрэ едзыгъом хэхьэрэ зэIукIэгъухэр яIагъэх. Мыекъопэ «Динамо-МГТУ-р» Ростов-на-Дону щешIагъ.

dsc_0393— «Технолог» Белгород ыкIи «Ока» Калуга тIорытIо таде­шIагъ, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Апэрэ ешIэгъур 3:1-у «Технологым» къышIотхьыгъ, ятIонэрэ зэIукIэгъум «Технологыр» нахь щылъэшыгъ, пчъагъэр 2:3-у къыттекIуагъ. «Окам» 3:0-у ыкIи 3:1-у Адыгеим испорт­сменхэр текIуагъэх.

Апшъэрэ купэу «Б»-м командэ 14 щешIэ, купитIоу гощы­гъэх. «КъокIыпIэм» команди 6, «КъохьапIэм» 8 ахэтыр. «Къо­хьапIэм» апэрэ чIыпIэр «Искра» Одинцово щиIыгъ, очко 24-рэ иIэр. «Динамо-МГТУ-м» очко 22-рэ ригъэкъугъ, ятIонэрэ чIыпIэм щыI.

ШэкIогъум и 16 — 20-м ящэнэрэ едзыгъом хэхьэрэ зэIу­кIэ­гъухэр къалэу Одинцово щызэхащэщтых. Къыблэ Сахалинрэ Одинцовэрэ якомандэхэм «Динамо-МГТУ-р» адешIэщт.